2017ko azaroak 17

AUDITORIO ORONA FUNDAZIOA, Galarreta (Hernani)

Aurkezpena

Gipuzkoako etorkizuna oinarritzen da lehiakortasun, solidaritate, kohesio, lankidetza, ardura eta ongizatearen printzipioetan. Horretarako, Gipuzkoako Foru Aldundiaren Plan Estrategikoak ezartzen ditu, beste batzuen artean, ondorengo bi helburu estrategiko hauek:

  • Alde batetik, susperraldi ekonomikoa zurkaiztu, enpresen lehiakortasuna sendotuz, kalitatezko enplegu eta enpresa-proiektuetako protagonista gisara pertsonen partaidetzaren aldeko apustua eginez, eta sendotuz gure nortasunaren ezaugarriak politika industrial eta ekonomikoan, herrialde gisara eta Lurralde gisara;
  • Bestalde, gure ongizate-eredua eta kohesio sozialaren sendotzea, Gipuzkoa bihurtuz eremu zabal gisara eta solidaritatezko eragile, oinarri hartuz apartekoa den gizarte-zerbitzuen sistema, beronen bitartez bermatzeko etenik gabe gure herritarrek dituzten premien arreta.

Gipuzkoa berdintasunezko politiken errefente bilakatzeko erronka. Marko horretan, helburu horiek lortzeko gako gertatzen dira pertsonak, kohesio soziala eta enpresa eta erakundeen konpromisoa, izan ere, aurre egin behar diete oso garrantzitsuak diren erronka batzuei, adibidez, globalizazio eta robotizaziora egokitzea eredu produktibo gipuzkoarra, gizartearen zahartzeari loturiko aldaketa demografikoa, laneko merkatura egokitzeko gazteen prestakuntza eta txertaketa edota laneko merkatura txertatzeko zailtasun gehien dituzten pertsona helduekiko sostengua.

Gizarte Zerbitzuetatik diru-sarbideen sistema sendo baten artikulazioa eta gizarteratzearen sostenguaren eremuan burutzen ari diren esfortzuez gain, gizarte-inklusiorako politika gipuzkoarrek duten erronka nagusia da kalteberatasun larrienean dauden biztanleen enplegagarritasuna hobetu eta sustatzea, betiere kalteberatasuna eta desberdintasun mailaren hazkuntza ezaugarri dituen nazioarteko marko batean.

Testuinguru horretan, jardunaldi honetako helburua da aurrera egitea Gipuzkoatik burutzen ari den sustapen ekonomiko eta tokiko garapenerako esfortzuei loturiko enplegu-politika eta inklusioaren aldeko garapenerako estrategian. Gizarte Politika eta Ekonomia Sustapena, Landa Ingurunea eta Lurralde Oreka Departamentuek antolaturiko jardunaldi hau berariaz bideratzen da gizartezerbitzu, tokiko garapen eta ekonomia sustapenean jarduten duten pertsona eta erakundeei: oinarrizko gizarte-zerbitzuak, Hirugarren Sektoreko erakundeak, tokiko garapenerako erakundeak, gizarteratzeko enpresak, etab.

Jardunaldia egituratzen da ondorengo hiru arlo nagusi hauetan:

  • E nplegu-politika eta laneko merkatuaren ikuspegi globala eta maila europar eta estatuko ekonomiaren sustapena.
  • Gipuzkoako laneko merkatuaren etorkizuna eta kalitatezko enplegua garatzean ohiko enpresen rola.
  • Tokiko mailan gizarteratzeko eta enplegagarritasunerako arazorik gehien dituzten pertsonentzako garaturiko esperientzien eta jarduera egokien analisia.